Ötən mövsüm aprel ayından tam sağala bilməyən “Yuventus”un yarımmüdafiəçisi Sami Xedira daha 3 ay futboldan kənar qalacaq.
Sportinfo.az xəbər verir ki, bir müddət əvvəl zədələnən 32 yaşlı almaniyalı yarımmüdafiəçi növbəti dəfə əməliyyat keçirib.
Həkimlər bildirib ki, diz qapağından əməliyyat olunan Xediranın sağalmasına 3 ay vaxt lazımdır. 2015-ci ildən Turin klubunda çıxış edən Almaniya yığmasının üzvü cari mövsüm İtaliya A Seriyasında 12 oyun keçirib.