"Napoli" İtaliya A Seriyasında uğursuzluq zolağından çıxa bilmir.
Sportinfo.az xəbər verir ki, Karlo Ançelottinin rəhbərlik etdiyi komanda çempionatın 14-cü turunda məğlubiyyətlə üzləşib.
Ardıcıl 8 oyundur qələbə qazana bilməyən Neapol təmsilçisi doğma meydanda "Bolonya"ya 1:2 hesabı ilə uduzmaqla anti-rekorda gedir.
İtaliya klubu son qələbəsini Çempionlar Liqasının qrup mərhələsi çərçivəsində - oktyabrın 23-də Avstriyada "Zalsburq"a qalib gəlib - 3:2. "Napoli" A Seriyasında hazırda 20 xalla turnir cədvəlinin 7-ci pilləsində qərarlaşıb .
