“Mançester Yunayted”in sabiq müdafiəçisi Rio Ferdinand, keçmiş komanda yoldaşı, hazırda “Əl-Nəsr”də çıxış edən Kriştiano Ronaldonun xarakteri və düşüncə tərzi barədə fikirlərini bölüşüb.
Sportinfo.az xarici KİV-ə istinadən xəbər verir ki, o, portuqaliyalı futbolçunun tənqidlərdən motivasiya aldığını bildirib:
“O, sanki buna aludədir. Kiminsə onun haqqında yersiz bir söz dediyini eşidəndə, dərhal xəbər tutur və bu, ona təsir edir.
O, belə şərhləri axtarıb tapır, onlar üzərində dərindən düşünür və həmin mənfi fikirlərdən, insanlar onu hədəf almaq üçün istifadə etsələr belə, irəliləməyə davam etmək üçün bir növ yanacaq kimi istifadə edir”.
Kriştiano Ronaldo 2003–2009 və 2021–2022-ci illərdə “Mançester Yunayted”də çıxış edib. O, klubdakı ilk dönəmində Rio Ferdinandla eyni komandada oynayıb.
