Bakı Kristal Zalında FIFA U-15 Dünya Çempionatı və Festivalı 2026-nın bağlanış mərasimi çərçivəsində bədii proqram təqdim olunub.
Sportinfo.az xəbər verir ki, proqram futbolun enerjisini Azərbaycanın zəngin mədəni irsi ilə birləşdirən xüsusi səhnə quruluşu əsasında hazırlanıb.
Bədii hissədə Azərbaycan təsviri sənətindən, milli musiqi və rəqs ənənələrindən ilhamlanan kompozisiyalar müasir xoreoqrafiya, işıq və vizual effektlərin müşayiəti ilə nümayiş etdirilib.
Proqramda nağaraçılar və milli rəqs ifaçıları çıxış ediblər.
Bağlanış mərasiminin bədii hissəsi xüsusi işıq və vizual effektlərlə tamamlanıb. Proqram FIFA U-15 Dünya Çempionatı və Festivalı 2026-nın loqosunun arenada nümayiş etdirilməsi ilə başa çatıb.
.jpg)
