“İnter” müdafiəçisi Federiko Dimarko ilə yeni müqavilə imzalamağı planlaşdırır.
Sportinfo.az xarici KİV-ə istinadən xəbər verir ki, Milan klubunun rəhbərliyi yaxın vaxtlarda 28 yaşlı futbolçu ilə danışıqlara başlamağı nəzərdə tutur və ona maaş artımı ilə yeni sözləşmə təklif ediləcək.
İtaliyalı futbolçuya İngiltərənin adı açıqlanmayan top-klublarından biri də maraq göstərib. Ancaq Dimarko bu təklifə isti yanaşmayıb və “İnter”i tərk etməyi düşünmür.
Dimarko cari mövsümdə Kristian Kivunun rəhbərlik etdiyi komandanın heyətində bütün turnirlərdə 26 oyuna çıxaraq, 4 qol vurub və 7 məhsuldar ötürmə verib.
Onun “İnter”lə müqaviləsinin müddəti 2027-ci ilin yayında başa çatacaq. Klub rəhbərliyi əsas oyunçularından birini uzunmüddətli perspektivdə heyətdə saxlamaq niyyətindədir.
.jpg)
