“Yuventus”un sabiq hücumçusu Tyerri Anri Turin klubunun cari mövsümdəki oyununu tənqid edib.
Komanda Çempionlar Liqasının 3-cü turunda səfərdə “Real”a 0:1 hesabı ilə uduzub və bu, İqor Tudorun rəhbərliyi altında yeddinci qələbəsiz matçdır.
Sportinfo.az xarici KİV-ə istinadən xəbər verir ki, fransalı sabiq futbolçu, şəxsiyyət və futbol fəlsəfəsi olmadan mübarizə aparmağın çox çətin olduğunu bildirib:
“Şəxsiyyət və futbol fəlsəfəsi olmadan mübarizə aparmaq çox çətindir.
Mən başa düşürəm ki, Tudor yeni gəlib, amma bu gün heç kim heç kəsi gözləmir: klub hər şeydən önəmlidir. İrəliləmək lazımdır. “Yuventus”un bu şəkildə oynadığını görmək xoş deyil”.
Anrinin fikrincə, Turin klubu öz oyun tərzini və kimliyini bərpa etməlidir, əks halda, uğur qazana bilməyəcək.
