.jpg)
“Roma”nın hücumçusu Artyom Dovbik “Milan”a keçə bilər.
Sportinfo.az xarici KİV-ə istinadən xəbər verir ki, paytaxt klubu ukraynalı futbolçunun xidmətini “Milan”a menecerlər vasitəsilə təklif edib.
Keçidin baş tutması avqust ərzində transfer bazarındakı vəziyyətdən asılı olacaq.
Daha əvvəl yayılan xəbərlərə əsasən, “Roma” sərfəli təklif olduğu halda, 28 yaşlı forvardla yollarını ayırmağa hazırdır.
Dovbikin transfer dəyəri təxminən 40 milyon avro civarında qiymətləndirilir. O, son mövsümdə A Seriyasında 32 oyuna çıxaraq, 12 qol vurub və “Roma”nın ən məhsuldar oyunçusu olub.
