.jpg)
İtaliya millisi Luçano Spalletti ilə yollarını ayırmasından sonra yeni baş məşqçi axtarışlarına başlayıb.
Sportinfo.az AS-a istinadən xəbər verir ki, namizədlərdən biri tanınmış ispaniyalı mütəxəssis Rafael Benitesdir.
65 yaşlı çalışdırıcı İtaliya yığmasına rəhbərlik etməyə hazırdır və danışıqlara açıqdır.
Benites daha əvvəl İtaliya A Seriyasında “İnter”i və “Napoli”ni çalışdırıb. Onun son iş yeri “Selta” olub. O, bu komandadan ötən il ayrılıb.
Benites Avropada “Real”, “Çelsi”, “Liverpul” kimi top-klublardakı işi ilə də tanınır və böyük məşqçilik təcrübəsinə sahibdir.
