İtaliya kubokunun qalibi müəyyənləşib.
Sportinfo.az xəbər verir ki, "Yuventus" həlledici görüşdə "Atalanta" ilə qarşılaşıb.
“Yuventus” 1 qolla qalib gələrək, 15-ci dəfə İtaliya Kubokunun qalibi olub.
Romadakı “Stadio Olimpiko”da keçirilən görüş “qoca sinyora”nın minimalhesablı qələbəsi ilə yekunlaşıb.
Oyunda yeganə qolu 4-cü dəqiqədə Andrea Kambiasonun ötürməsini dəqiq tamamlayan Duşan Vlahoviç vurub. O, 72-ci dəqiqədə ikinci dəfə fərqlənsə də, VAR sistemi oyundankənar vəziyyət qeydə alıb.
“Yuventus” bu turnirdə qazanılan kubokların sayına görə mütləq rekorda sahibdir. Turin təmsilçisinin ən yaxın izləyiciləri “Roma” və “İnter” hərəyə 9 dəfə İtaliya Kubokunun qalibi olublar.
"Atalanta" – "Yuventus" 0:1
Qol: Vlahoviç, 4.
