"Bəzi problemlərimiz oldu, sonra düzəltdik və qazandıq"

17 İyun 15:10 İtaliya 170
"Bəzi problemlərimiz oldu, sonra düzəltdik və qazandıq"

“Yaxşı oynadıq. Çətin oyun idi. İsveçrə güclü və fiziki cəhətdən güclü komandadır.

Başlanğıcda bəzi problemlərimiz oldu, amma sonra oyunu düzəldib layiqli qələbə qazandıq".

Sportinfo.az xəbər verir ki, bu sözləri İtaliya millisinin baş məşqçisi Roberto Mançini Avro-2020-nin qrup mərhələsinin 2-ci turunda İsveçrəyə 3:0 hesabı ilə qalib gələrək pley-off vəsiqəni təmin etdikləri oyundan sonra deyib.

"Çox sayda qol şansları yaratdıq, amma bəzən hər şeyin hədəfə doğru getməməsi normaldır. Futbolçular əla iş gördülər" - deyə o bildirib.

Mançini sözügedən görüşdə dubla imza atan Manuel Lokatelli haqda da danışıb: "O, fenomenal bir qarşılaşma keçirdi.

Bir yarımmüdafiəçi üçün iki qol vurmaq o qədər də asan deyil. Birinci qolda əla bir kombinasiya qurduq, ikincisində isə hər şeyi həll edən fərdi bacarıq idi.

Bütün komanda əllərindən gələni edirdi və bu beş gündə ikinci oyun olduğunu nəzərə alsaq, bu qələbələr ikiqat xoşdur".

Xəbər Lenti
23 İyul 13:00 Həminki "Qarabağ"
22 İyul 23:10 "Buna imkan vermədilər"