“Real”ın baş məşqçisi Joze Mourinyo mövsümün sonunda hansı nəticəni uğurlu hesab edəcəyini açıqlayıb.
Sportinfo.az xarici KİV-ə istinadən xəbər verir ki, portuqaliyalı mütəxəssis Madrid klubunda əsas göstəricinin qazanılan titullar olduğunu bildirib:
“Əlbəttə, buna bir çox cəhətdən baxmaq olar. Müxtəlif səviyyələrdə böyük irəliləyiş əldə edə bilərsiz, amma ən vacib olan nəticələrdir.
Bizim üç böyük turnirimiz və bir kiçik yarışımız var. “Real”ın kubokları yoxdursa, bu, pis mövsümdür”.
“Real” 2025/26 mövsümündə heç bir titul qazanmayıb. Bu, klub tarixində son beş ildə ikinci belə haldır. Komanda La Liqanın yeni mövsümündə ilk oyununu 22 avqustda, səfərdə “Espanyol”a qarşı keçirəcək.
