“Barselona”nın yarımmüdafiəçisi Frenki de Yonqu satmağa hazır olduğu məbləğ bəlli olub.
Sportinfo.az “El Nacional”-a istinadən xəbər verir ki, Kataloniya klubu 28 yaşlı futbolçunun qiymətini 65 milyon avro müəyyənləşdirib.
Buna səbəb baş məşqçi Hans-Diter Flikin De Yonqla yolları ayırmağa müsbət yanaşmasıdır.
Daha əvvəl almaniyalı çalışdırıcı niderlandlı oyunçunu kapitan sarğısından məhrum edib.
İddialara görə, Flik futbolçunun zədəli halda 2026-cı il dünya çempionatına yollanmasından narazı qalıb. De Yonq mundialda zədəsini daha da ağırlaşdırıb və uzun müddətə sıradan çıxıb.
“Barselona” La Liqanın yeni mövsümündə ilk oyununu avqustun 23-də keçirəcək. Kataloniya təmsilçisinin rəqibi “Elçe” olacaq.
