​İspaniya millisinin baş məşqçisi Luis de la Fuente dünya çempionatı üçün komandanın heyətini təqdim edib.

Sportinfo.az xəbər verir ki, yığma komanda turnirə hazırlıqlara mayın 30-da Las-Rosasdakı bazasında başlayacaq.

Dünya çempionatının startından əvvəl komanda İraq və Peru millilərinə qarşı yoxlama oyunları keçirəcək. Maraqlıdır ki, milliyə “Real”dan heç bir futbolçu dəvət almayıb:

​Qapıçılar: Unay Simon (“Atletik”), David Raya (“Arsenal”), Xuan Qarsiya (“Barselona”);

​Müdafiəçilər: Pedro Porro (“Tottenhem”), Markos Lyorente (“Atletiko”), Emerik Laport (“Atletik”), Pau Kubarsi (“Barselona”), Mark Pubil (“Atletiko”), Erik Qarsiya (“Barselona”), Mark Kukurella (“Çelsi”), Alexandro Qrimaldo (“Bayer”);

​Yarımmüdafiəçilər: Rodri (“Mançester Siti”), Martin Subimendi (“Arsenal”), Pedri (“Barselona”), Fabian Ruis (PSJ), Mikel Merino (“Arsenal”), Qavi (“Barselona”), Aleks Baena (“Atletiko”);

​Hücumçular: Mikel Oyarzabal (“Real Sosyedad”), Lamin Yamal (“Barselona”), Ferran Torres (“Barselona”), Borxa İqlesias (“Selta”), Dani Olmo (“Barselona”), Viktor Munyos (“Osasuna”), Niko Uilyams (“Atletik”), Yeremi Pino (“Kristal Pelas”).

Luis de la Fuentenin komandası mundialdakı ilk oyununu iyunun 15-də Atlantada Kabo-Verde yığmasına qarşı keçirəcək.

Onların qrupdakı digər rəqibləri isə Səudiyyə Ərəbistanı və Uruqvaydır. Mundial ABŞ, Kanada və Meksikada keçiriləcək.