“Real”da prezident seçkiləri öncəsi rəqabət daha da qızışıb. Prezidentliyə namizəd Enrike Rikelme rəsmi seçki qərargahını klubun stadionu “Santyaqo Bernabeu”nun qarşısında açaraq kampaniyasına start verib.
Sportinfo.az xarici KİV-ə istinadən xəbər verir ki, Rikelme artıq rəsmi şəkildə klub prezidentliyinə namizəd kimi təsdiqlənib.
O, lazımi bank zəmanətlərini təqdim edib və bütün tələb olunan sənədləri tamamlayıb.
37 yaşlı iş adamı hazırkı prezident Florentino Peresin əsas rəqiblərindən biri kimi göstərilir.
Rikelmenin seçki kampaniyasının şüarı isə “Miras və gələcək” (“Herencia y futuro”) olaraq müəyyən edilib.
Bu sloqan onun klubun tarixi uğurlarını qorumaqla yanaşı, yeni inkişaf mərhələsinə keçid vəd etdiyini simvolizə edir.
