Niderlandlı yarımmüdafiəçi Frenki de Yonq “Barselona” ilə müqaviləsinin müddətini uzatdıqdan sonra klubla bağlı fikirlərini bölüşüb.
Sportinfo.az xəbər verir ki, o, “Marca”-ya açıqlamasında kataloniyalılara olan sevgisini vurğulayıb:
“Uşaqlıqdan “Barselona”da oynamağı arzulamışam. İndi isə bu arzunu yaşayıram. Klubda uzun illər qalmaq və yeni titullar qazanmaq üçün səbirsizlənirəm”.
De Yonq bu yaxınlarda “Barselona” ilə müqaviləsinin müddətini 2029-cu ilin yayına qədər uzadıb.
O, cari mövsümdə La Liqa və UEFA Çempionlar Liqasında ümumilikdə 8 oyunda iştirak edib və 1 məhsuldar ötürmə verib.
“Barselona” növbəti oyununu oktyabrın 18-də, evdə “Jirona”ya qarşı keçirəcək.
