“Real”ın hücumçusu Kilian Mbappe karyerasının əvvəlində “Monako”dan hazırkı klubuna transferinin baş tutmamasının səbəbini açıqlayıb.
Sportinfo.az xəbər verir ki, fransalı forvard “Madrid Universal”-a açıqlamasında 2017-ci ildə “Real”a keçməməsinin arxasındakı qərarını belə izah edib:
“Monako”dan ayrıldığım vaxt cəmi 18 yaşım var idi. O zaman “Real”da Kriştiano Ronaldo, Kərim Benzema və Qaret Beyl kimi top-oyunçular oynayırdı.
Mən isə ehtiyatda oturmaq istəmirdim. Bilirdim ki, hər oyunda meydana çıxmaq mümkün olmayacaq.
Mənim üçün əsas olan daimi oyun praktikası idi. Buna görə də PSJ-nin təklifini qəbul etdim”.
Mbappe ötən yay “Real”a keçib. Onun klubla müqaviləsinin müddəti 2029-cu ilin iyununun sonuna qədərdir.
