“Barselona”nın ulduzu Lamin Yamal zədəsini beynəlxalq fasilə bitənədək tam sağalda bilər.
Əvvəllər 18 yaşlı futbolçunun “Jirona” ilə oyunu buraxacağı ehtimal edilirdi, ancaq İspaniya mediası artıq daha nikbin xəbərlər paylaşır.
Sportinfo.az xarici KİV-ə istinadən xəbər verir ki, Yamal Kataloniya derbisində meydana çıxmağa hazır olacaq. Onun bərpa prosesi uğurla davam edir.
Bundan əlavə, Rafinya Dias və Fermin Lopes də “Jirona” ilə qarşılaşmanın iştirakçı siyahısına daxil ediləcək.
“Barselona” – “Jirona” oyunu oktyabrın 18-də keçiriləcək.
