“Real” yarımmüdafiəçisi Çud Bellingemi komandadan göndərmək niyyətində deyil.
Sportinfo.az xarici KİV-ə istinadən xəbər verir ki, baş məşqçi Xabi Alonso hazırda ingiltərəli futbolçunu Arda Gülərlə eyni vaxtda meydanda necə yerləşdirəcəyini düşünür.
Türkiyəli yarımmüdafiəçi cari mövsümə parlaq start verib və əsas heyətin vacib üzvlərindən birinə çevrilib.
Bu da mətbuatda Bellingemin guya narazı olması və komandadan ayrılmaq istəyi ilə bağlı şayiələrin yayılmasına səbəb olub.
“Real” rəhbərliyi bu iddialara sakit yanaşır və Bellingemin satışını tamamilə istisna edir.
22 yaşlı futbolçu sentyabrın ortalarında çiynindən keçirdiyi əməliyyatdan sonra sıraya qayıdıb.
Bellingem o vaxtdan bəri 5 oyunda meydana çıxsa da, yalnız bir dəfə – “Atletiko” ilə 2:5 hesabı ilə uduzulan derbidə start heyətində yer alıb.
