Braziliyanın “Palmeyras” komandasının 19 yaşlı müdafiəçisi Luis Benedetti Avropanın top-klublarının diqqət mərkəzinə düşüb.
Sportinfo.az “sport.es”-ə istinadən xəbər verir ki, gənc futbolçu ilə “Barselona” yaxından maraqlanır.
Kataloniya klubu braziliyalı oyunçunun inkişafını izləyir, ancaq Benedetti üçün rəqabət böyükdür. Onunla həm İtaliya çempionu “Napoli”, həm də “Arsenal” maraqlanır.
Benedetti cari mövsümdə “Palmeyras”ın heyətində 9 oyunda iştirak edib. O, həmçinin, Braziliyanın gənclər millisində 7 oyun keçirib və 2 qol vurub.
