“Real”ın yarımmüdafiəçisi Çud Bellingem çiynindəki zədənin cərrahi əməliyyatından sonra bərpa prosesi keçəcək.
Sportinfo.az AS-a istinadən xəbər verir ki, ingiltərəli futbolçu ən tez oktyabrın sonunda meydana qayıda biləcək.
22 yaşlı oyunçu 2023-cü ilin yayında “kral klubu”na qoşulub.
Onun “Real”la müqaviləsinin müddəti 2029-cu ilin iyununda başa çatacaq. İngiltərə millisinin üzvünün transfer bazarındakı dəyəri 180 milyon avro təşkil edir.
Bellingem son mövsümdə La Liqada 31 oyunda iştirak edərək, 9 qol vurub və 8 məhsuldar ötürmə verib.
