“Barselona”nın müdafiəçisi Ronald Arauxo komandadan mümkün ayrılığı ilə bağlı yayılan söz-söhbətlərə aydınlıq gətirib.
Sportinfo.az xəbər verir ki, uruqvaylı futbolçu bu barədə “Cadena Ser”-ə danışıb:
“Hazırlıq dövründə çox yaxşı çalışdım. Son mövsüm zədə səbəbilə çətinliklərim oldu, amma artıq bu arxada qalıb.
Yenidən özümə inam qazanmışam. “Barselona”da hər şeydən razıyam və buradan getmək istəmirəm”.
26 yaşlı müdafiəçinin Kataloniya klubu ilə hazırkı müqaviləsinin müddəti 2031-ci ilin iyununa qədərdir.
