!["Bu komandanın mənimlə maraqlandığını bilməkdən çox qürur duyuram"](https://www.sportinfo.az/media/2024/05/29/img_2662-780x470.jpg)
“Bayer”in (Leverkuzen) yarımmüdafiəçisi Ezekiel Palasios “Barselona”ya keçəcəyi ilə bağlı yayılan xəbərlərə münasibət bildirib.
Sportinfo.az “Barca Universal”-a istinadən xəbər verir ki, Kataloniya klubunun yeni baş məşqçisi olacaq Hans-Diter Flik argentinalı futbolçunu komandasına dəvət etmək istəyir.
25 yaşlı oyunçu yayılan xəbərlərə münasibət bildirib:
“Barselona”nın marağı mənim üçün böyük şərəfdir. Bu komandanın mənimlə maraqlandığını bilməkdən çox qürur duyuram”.
Palasios başa çatan mövsümdə 4 qol vurub və 4 məhsuldar ötürmə edib. Futbolçu komandasına çempionatda və Almaniya kubokunda kubok qazanmağa kömək edib.