"Barselona" prezidentliyinə namizəd Emili Russo Lionel Messinin klubdakı gələcək taleyi barədə danışıb.
Sportinfo.az xəbər verir ki, Russo prezident seçiləcəyi halda Messi ilə söhbət edəcəyini söyləyib:
"Onun gözlərinə baxıb deyəcəm: maaşın çox yüksəkdir və klub bunu ödəyə bilmir. İndi isə imkan ver, yeni idman proyektləri barədə danışaq. Biz səni istedadlı gənclərlə əhatə edəcəyik".
"Barselona" prezidentliyinə seçkilər yanvarın 24-də keçiriləcək. Russo onu da deyib ki, yayda Messinin klubdan getmək istəməsi maliyyə məsələsi deyil, idman layihələrinin yoxluğu ilə bağlı olub.
