"Barselona”nın hücumçusu Lionel Messi İspaniya çempionatında “Valyadolid”ə qarşı matçın ikinci hissəsində fərqlənib - 3:0.
Sportinfo.az xəbər verir ki, bununla da 33 yaşlı argentinalı ulduz Kataloniya təmsilçisində vurduğu qolların sayını 644-ə çatdırıb.
Nəticədə Messi bir klubda vurduğu qolların sayına görə braziliyalı Pelelin rekordunu yeniləyib.
Pele Braziliyanın “Santos” komandasının heyətində 643 qola imza atmışdı.
