“Mançester Siti”nin hücumçusu Serxio Aquero yenidən zədələnib.
Sportinfo.az xəbər verir ki, bunu komandanın baş məşqçisi Pep Qvardiola Britaniya mətbuatına açıqlayıb.
O bildirib ki, argentinalı futbolçu 3-4 həftə meydana çıxa bilməyəcək: "Aquero zədəlidir. Bir futbolçu 4-5 aydan sonra meydana çıxırsa, zədələnmək riski olur.
Onun zədəsini sağaltması 3-4 həftə çəkə bilər. Bütün futbolçulara, hər kəsin tam hazır olmasına ehtiyacımız var”.
Uzun müddətdir zədədən əziyyət çəkən Aquero yenicə sağalmışdı. O, bu mövsüm cəmi bir oyunda iştirak edib.