“Onun etdiyi komanda yoldaşlarına və kluba hörmətsizlikdir”

4 Avqust 11:20 İngiltərə 526
“Onun etdiyi komanda yoldaşlarına və kluba hörmətsizlikdir”

“Barselona”nın prezidenti Xosep Maria Bartomeu komanda ilə Çempionlar Liqasında çıxış etmək istəməyən Arturla bağlı açıqlama verib.

Sportinfo.az xəbər verir ki, klub rəhbəri, futbolçunun intizamsız hərəkətlərinin qəbuledilməz olduğunu bildirib:

“Onunla Çempionlar Liqasının sonuna qədər “Barselona”da çıxış edəcəyi ilə bağlı razılaşdıq. Komandadakı əhəmiyyəti məlumdur və bizə kömək edə biləcək bir futbolçudur.

Amma o, qısamüddətli tətilindən sonra komandada görünmədi. Bu, qəbuledilməz intizamsızlıqdır. Onun etdiyi komanda yoldaşlarına və kluba hörmətsizlikdir.

Arturu bu hərəkətində haqlı çıxaracaq hansısa arqumenti yoxdur. Zəng edərək, qayıtmayacağını, Braziliyada qalacağını bildirdi. Bu, onun qərarıdır, amma heç kim ona icazə verməyib”.

Bir müddət əvvəl “Yuventus”la müqavilə imzalayan Artur, “Barselona” rəhbərliyinin icazəsi olmadan Braziliyaya yollanıb və qayıtmaq niyyətində olmadığını bildirib.

Xəbər Lenti
18 Sentyabr 22:00 "Çelsi" icarəyə verdi
18 Sentyabr 19:16 Edin Ceko "Yuventus"da
18 Sentyabr 19:02 25-ci "Qarabağ"la gəldi
18 Sentyabr 18:34 Ay qardaş, ay qardaş…
18 Sentyabr 09:42 Satmaq üçün razılaşdılar