“Mançester Siti”nin baş məşqçisi Xosep Qvardiola irqçiliklə bağlı danışıb.
Sportinfo.az xəbər verir ki, Qvardiola qaradərili insanlara qarşı münasibətdən utandığını qeyd edib.
O, jurnalistlərə açıqlamasında belə deyib: “Biz onlara qarşı 400 il ərzində çox pis davranmışıq. Buna görə qaradərili insanlardan üzr istəməliyik. Onlara qarşı göstərdiyimiz rəftardan utanıram”.
“Mançester Siti” Premyer Liqanın 28-ci tutunda “arsenal”a qalib gəlib – 3:0. Oyundan əvvəl hər iki komandanın futbolçuları “Qaradərililərin həyatı vacibdir” aksiyasına qoşulublar.