“Arsenal” “Milan”ın 19 yaşlı müdafiəçisi Davide Barzaqini yanvar transfer pəncərəsində heyətinə qatmaq istəyir.
Sportinfo.az xəbər verir ki, bu barədə “Caught Offside” məlumat yayıb.
“Milan” Barzaqini 45 milyon avro qiymətləndirir və bu qış satış variantını nəzərdən keçirmir. Həmçinin, “Mançester Siti” və “Real” da italiyalı müdafiəçiyə maraq göstərir.
Barzaqi cari mövsümdə bütün turnirlərdə 13 oyuna çıxıb, 2 qol vurub və 1 məhsuldar ötürmə verib. Onun klubu ilə müqaviləsinin müddəti 2030-cu ilin yayına qədərdir.
