“Vulverhempton” rəhbərliyi baş məşqçi axtarışını davam etdirir.
Sportinfo.az ESPN-ə istinadən xəbər verir ki, “canavarlar”ın “sükanı arxasına” keçmək üçün əsas namizədlərdən biri portuqaliyalı mütəxəssis Ruy Vitoriyadır.
55 yaşlı çalışdırıcı sentyabrda Yunanıstanın “Panatinaikos” klubundan istefaya göndərilmişdi. O, həmçinin, “Benfika”, Səudiyyə Ərəbistanının “Əl-Nəsr” komandası və Misir yığmasını da çalışdırıb.
“Vulverhempton” hazırda İngiltərə Premyer Liqasının 10 turundan sonra cəmi iki xal toplayaraq, turnir cədvəlinin sonuncu pilləsində qərarlaşıb.
Klub rəhbərliyi komandanın vəziyyətini düzəltmək üçün təcrübəli məşqçi axtarır və Ruy Vitoriya real namizədlərdən biri sayılır.
