“Tottenhem”in hücumçusu Riçarlison klubu tərk etməyə hazırdır.
Sportinfo.az xarici KİV-ə istinadən xəbər verir ki, 28 yaşlı forvard yaxın transfer pəncərəsində uyğun təklif olduğu halda komandasını dəyişə bilər.
Onu vətəninə – Braziliyaya qaytarmaq istəyən klub kimi “Flamenqo”nun adı çəkilir.
Bundan əlavə, braziliyalı futbolçuya “Everton”, ABŞ-ın “Orlando Siti” klubu və Səudiyyə Ərəbistanının bir neçə təmsilçisi də maraq göstərir.
Riçarlison 2022-ci ildə “Tottenhem”ə keçib. O, cari mövsümdə bütün turnirlərdə 16 oyuna çıxaraq, 3 qol vurub və 2 məhsuldar ötürmə verib.
