“Çelsi” bu mövsüm İngiltərə çempionatında və digər turnirlərdə ən çox qırmızı vərəqə alan komandadır.
Sportinfo.az xəbər verir ki, bu barədə “Transfermarkt” portalı məlumat yayıb.
London təmsilçisi 14 oyundan sonra ümumilikdə 5 “qırmızı” görüb. Onların 3-ü Premyer Liqada, 2-si isə digər turnirlərdə qeydə alınıb.
Ən son qırmızı vərəqə 1/8 final mərhələsində “Vulverhempton”la keçirilən Liqa kuboku oyununda (4:3) Liam Delapa göstərilib. Bu epizod baş məşqçi Enzo Mareskanın ciddi narazılığına səbəb olub.
Müqayisə üçün, “Liverpul” cari mövsümdə cəmi 2 qırmızı vərəqə alıb. Daha 8 klub (“Bornmut”, “Mançester Yunayted”, “Sanderlend”, “Vest Hem”, “Bernli”, “Vulverhempton”, “Aston Villa” və “Nyukasl”) isə yalnız bir dəfə meydandan qovulma ilə üzləşib.
“Çelsi” “Qarabağ”ın UEFA Çempionlar Liqasındakı rəqiblərindən biridir. “Qarabağ” – “Çelsi” oyunu noyabrın 5-də Tofiq Bəhramov adına Respublika stadionunda, saat 21:45-də start götürəcək.
