“Liverpul”un sabiq baş məşqçisi Yurgen Klopp 2013-cü ildə “Mançester Yunayted”lə apardığı danışıqlar barədə danışıb və niyə Mersisayd klubunu seçdiyini açıqlayıb.
Sportinfo.az “Diary Of A CEO”-ya istinadən xəbər verir ki, almaniyalı mütəxəssis görüşlər zamanı qarşı tərəfin onun xoşuna gəlməyən sözlər dediyini bildirib:
“Görüşlər zamanı xoşuma gəlməyən sözlər dedilər: “Sən istədiyin oyunçuları transfer edəcəyik, bunu da, bunu da və onu da”. Mən isə oturub düşündüm: “Bu mənim layihəm deyil”.
Mən Pol Poqbanı geri gətirmək istəmirdim – bu işə yaramazdı! Kriştiano Ronaldonu qaytarmaq da fayda verməzdi!
Onların ideyası yalnız kluba ən yaxşı oyunçuları toplamaq idi, amma futboldan danışmırdılar. Və sonra tamamilə futbola əsaslanan bir layihə ortaya çıxdı – “Liverpul”.
Bu açıqlama Kloppun “Liverpul”da uğurlu karyerasının əsas səbəblərini əks etdirir və onun futbol fəlsəfəsinə nə qədər önəm verdiyini göstərir.
“Liverpul” “Qarabağ”ın UEFA Çempionlar Liqasındakı rəqiblərindən biridir.
