“Mançester Siti”nin baş məşqçisi Pep Qvardiola müdafiəçi Con Stounzun zədələrdən tam qurtulub-qurtulmadığı və klubdakı gələcəyi barədə danışıb.
Sportinfo.az “City Report”-a istinadən xəbər verir ki, ispaniyalı mütəxəssis gözləmək lazım olduğunu bildirib:
“Onun müqaviləsinin müddəti yayda başa çatacaq? Bu barədə məndən soruşmayın, qərarı klub verəcək.
Trebl qazandığımız mövsümdə o, inanılmaz idi. Amma o vaxtdan bəri sabit oynaya bilmir, bir neçə dəfə zədələnib. Gözləmək və görmək lazımdır”.
31 yaşlı futbolçu 2016-cı ildən “Mançester Siti”də çıxış edir.
