"Çelsi"nin futbolçusu Koul Palmer Çempionlar Liqasının əsas mərhələsində "Qarabağ"la oyunu buraxacaq.
Sportinfo.az “Sky Sport"a istinadən xəbər verir ki, 23 yaşlı yarımmüdafiəçi zədə səbəbindən komandasının növbəti 9 matçını buraxacaq.
Koul Palmer İngiltərə Premyer Liqasında "Nottinqem Forest", "Sanderlend", "Tottenhem", "Vulverhempton", "Börnli", Çempionlar Liqasında "Ayaks" (Niderland), "Qarabağ", "Barselona" (İspaniya) və İngiltərə Liqa Kubokunda "Vulverhempton"la oyunlarda iştirak etməyəcək.
"Qarabağ" - "Çelsi" oyunu noyabrın 5-də Bakıda baş tutacaq.
