"Çelsi" heyətini yeni futbolçu ilə gücləndirib.
Sportinfo.az xəbər verir ki, London təmsilçisi "Aston Villa"dan Karni Çukuemekanı transfer edib.
İngiltərə U-19 millisinin üzvü ilə 6 illik müqavilə imzalanıb. "Çelsi" bu transfer üçün qarşı tərəfə 18 milyon avro ödəyib.
Karni Çukuemeka "Aston Villa"nın yetirməsidir. 18 yaşlı yarımmüdafiəçi son mövsümdə əsas komandanın heyətində meydana çıxdığı 22 matçda 2 qol və 3 məhsuldar ötürmə ilə yadda qalıb.