“Arsenal”ın qapıçısı Bernd Leno “Fulhem”lə müqavilə imzalayıb.
Sportinfo.az xəbər verir ki, artıq qapıçı ilə paytaxt klubu arasında hər şey razılaşdırılsa da, klublar arasında transferin məbləği hələ də müzakirə olunur.
“Arsenal” Leno üçün 12 milyon avro istəyir.
Daha əvvəl bildirilmişdi ki, Almaniya millisinin üzvü DÇ-2022-də iştirak etmək üçün daha çox oyun vaxtı əldə etməyə ümid edir.
Lenonun “Arsenal”la müqaviləsi 2023-cü ilin yayında başa çatır.
30 yaşlı almaniyalı 2018-ci ildə “Bayer”dən (Leverkuzen) 25 milyon avroya transfer olunduqdan sonra “topçular”ın heyətində 122 oyun keçirib.
