"Mançester Siti" "Brayton Albion"un cinah müdafiəçisi Mark Kukurelyanı heyətinə qatmaqda israrlıdı.
Sportinfo.az xəbər verir ki, "şəhərlilər" ispaniyalı futbolçunu transfer etmək üçün hərəkətə keçib.
İki klub arasında danışıqlar davam edir. Mançester təmsilçisinin baş məşqçisi Pep Qvardiola da sol cinah müdafiəçisini israrla komandasında görmək istəyir.
Kukurelyaya görə qarşı tərəfin 50 milyon sterlinq ödəməyə hazır olduğu bildirilir.
"Barsa"nın yetirməsi olan 23 yaşlı oyunçu 2021-ci ildən çıxış etdiyi "Brayton Albion"da 38 matçda meydanda olub.