"Borussiya"nın (Dortmund) sabiq hücumçusu Erlinq Holand "Mançester Siti" ilə müqavilə bağlayıb.
Sportinfo.az xəbər verir ki, 22 yaşlı norveçli İngiltərə klubuna iyulun 1-dən qoşulacaq.
Onun müqaviləsi 2027-ci ilin yayınadək qüvvədə olacaq.
Daha əvvəl "Mançester Siti"də Erlinq Holandın atası Alf-İnge Holann çıxış edib.
İstedadlı forvard Dortmund "Borussiya"sının formasını 2020-ci ilin yanvarından geyinib. Bu müddətdə o, 89 qarşılaşmada 86 qol və 23 məhsuldar ötürmə müəllifi olub.
"Transfermarkt" Erlinq Holannın transfer məbləğini 75 milyon avro ilə qiymətləndirib.