"Lids Yunayted" heyətini yeni futbolçu ilə gücləndirib.
Sportinfo.az xəbər verir ki, Premyer Liqa təmsilçisi "Zalsburq"un müdafiəçisi Rasmus Kristenseni transfer edib.
24 yaşlı futbolçu ilə 5 illik müqavilə imzalanıb. İngiltərə klubunun bu transferə görə qarşı tərəfə 10 milyon avro ödədiyi iddia olunur.
Müdafiəçi 2020-ci ildən çıxış etdiyi Danimarka millisində 6 oyun keçirib.
Kristensen daha öncə "Midtyulland" (Danimarka) və Niderlandın "Ayaks" klublarında çıxış edib.