İngiltərə Premyer Liqasında XXXV tura start verilib.
Sportinfo.az xəbər verir ki, açılış oyununda çempionluğa iddialı "Liverpul" "Nyukasl"ın qonağı olub.
Görüşün taleyini 1 qol həll edib. 19-cu dəqiqədə fərqlənən Nəbi Keyta Mersisayd təmsilçisinə qələbə qazandırıb.
Bu nəticədən sonra xallarını 82-yə çatdıran Yurgen Kloppun baş məşqçi olduğu komanda hələlik turnir cədvəlinin zirvəsinə yüksəlib.
Liderdən 1 oyun az keçirən və 2 xal geri qalan "Mançester Siti" 2-ci pillədə qərarlaşıb. "Nyukasl" isə 43 xalla 9-cudur.
.jpg)
