"Liverpul" baş məşqçi Yurgen Kloppla yeni müqavilə imzalayıb.
Sportinfo.az xəbər verir ki, bu barədə klubun rəsmi saytı məlumat yayıb. Almaniya mütəxəssislə 2026-cı ilədək nəzərdə tutulan sözləşmə imzalanıb.
Yurgen Klopp 2015-ci ilin oktyabr ayında "Liverpul"un baş məşqçisi təyin olunub. 54 yaşlı mütəxəssisin Premyer Liqa klubu ilə hazırkı müqaviləsi 2024-cü ilin yayına kimidir.
Komanda cari mövsümdə Kloppun rəhbərliyi altında meydana çıxdığı 55 oyunda 43 qələbə qazanıb, 9 heç-heçə edib, 3 dəfə isə meydanı məğlubiyyətlə tərk edib.
