“Çelsi”nin hücumçusu Romelu Lukaku “İnter”ə qayıtmaq istəyir.
Sportinfo.az xəbər verir ki, belçikalı futbolçu London klubunda onun şəxsiyyətinə münasibətdən narazıdır, ona görə də, mənəvi dəstək hiss etdiyi “İnter”ə qayıtmaq istəyir.
Lukaku 2021-ci ilin avqustunda “İnter”dən “Çelsi”yə 113 milyon avroya transfer edilib. Onun klubla müqaviləsi 2026-cı ilin yayına qədərdir.
Lukaku bu mövsüm İngiltərə Premyer Liqasında 21 oyuna çıxıb, 5 qol vurub və 1 məhsuldar ötürmə edib.
