İngiltərə Premyer Liqasının XXXIV turunda “Çelsi” “Vest Hem”i qəbul edib.
Sportinfo.az xəbər verir ki, görüş meydan sahiblərinin minimalhesablı qələbəsi ilə yekunlaşıb.
Qarşılaşmanın 87-ci dəqiqəsində “zadəganlar”ın “ştatlı penaltiçisi” Jorjinyo 11 metrlik nöqtədən fərqlənmək şansını boşa verib. İtaliyalı yarımmüdafiəçinin zərbəsini “Vest Hem”in qapıçısı Fabianski tutub.
Bununla belə, “Çelsi” yekunda qələbə qazanmağı bacarıb. 90-cı dəqiqədə Kristian Pulişiç dəqiq oynayıb.
Bu nəticədən sonra xallarının sayını 65-ə çatdıran “Çelsi” turnir cədvəlinin 3-cü pilləsində qərarlaşıb. “Vest Hem” isə 52 xalla 7-ci sırada qalıb.
