“Beşiktaş”ın müdafiəçisi Rıdvan Ylımaz karyerasını İngiltərə Premyer Liqasında davam etdirə bilər.
Sportinfo.az xəbər verir ki, onunla “Lester” ciddi maraqlanır.
Məlumata görə, İngiltərə klubu 20 yaşlı futbolçu üçün 9,5 milyon avro təklif edir. Onunla İtaliyadan "Torino" və Almaniyadan "Ştutqart" da maraqlanır.
Amma "Lester"də başqa bir türk müdafiəçisi - Çağlar Söyüncünün oynaması Yılmazın İngiltərə variantına üstünlük verməsinə səbəb ola bilər.
Yılmaz "Beşiktaş"ın yetirməsidir. O, Türkiyə klubunun əsas heyətində bütün yarışlarda 58 matçda 4 qol vurub, 7 məhsuldar ötürmə edib.
Futbolçunun müqaviləsi gələn mövsümün sonunda başa çatır. “Transfermarkt” onun bazar dəyərini 5,5 milyon avro qiymətləndirir.
.jpg)
