"Mançester Yunayted"in sabiq hücumçusu Ueyn Runi birgə oynadığı futbolçularla başına gələn maraqlı hadisələrdən danışıb.
Sportinfo.az xəbər verir ki, hazırda "Derbi Kaunti"nin baş məşqçisi olan Runi argentinalı hücumçu Karlos Tevesi xatırlayıb:
“İki il ərzində Teveslə oynamaqdan həzz aldım. Tez-tez onu evindən götürürdüm və birlikdə hava limanına gedirdik.
Düzünü desəm, onunla 30 dəqiqə danışırdıq, amma ağzından nə çıxdığını müəyyən edə bilmirdim.
O, sadəcə, nəsə mızıldanırdı. Mən özüm də çox yaxşı natiq deyiləm, amma o an öz-özümə belə deyirdim: “Lənət şeytana, o, mızıldanır, mən isə heç nə başa düşmürəm!”.
Onunla söhbət zamanı pərişan olurdum. Bu, həyatımın ən böyük məyusluqlarından biri idi”.
.jpg)
