“Mançester Siti”nin baş məşqçisi Pep Qvardiola bu mövsüm hansı komandanı əsas rəqib kimi gördüyünü açıqlayıb.
Sportinfo.az xəbər verir ki, Çempionlar Liqasında “Sportinq” üzərində 5:0 hesablı qələbədən sonra Qvardioladan hazırda hansı klubun “Mançester Siti”yə əsas rəqib olduğu sualı verilib.
İspaniyalı mütəxəssis “Liverpul”un adını çəkib:
“Liverpul”! Onlar Premyer Liqada bizdən 9 xal geri qalırlar. Son mövsümlərdə “Liverpul” bizim ən böyük rəqibimiz olub.
“Liverpul” həmişə bir yerdə dayanır. Onlar avrokuboklarda da əla oynayırlar”.
.jpg)
