“Çelsi”nin koronavirusa qarşı peyvənd olunmayan futbolçuları Çempionlar Liqasının 1/8 final mərhələsində “Lill”ə qarşı cavab oyununda iştirak edə bilməyəcəklər.
Sportinfo.az xəbər verir ki, cavab qarşılaşması martın 16-da Fransada keçiriləcək.
Fransada qəbul edilən qanuna görə bütün idmançıların koronavirusa qarşı peyvənd edilməsi tələb olunur. Oyunun neytral meydançaya keçirilməsi ehtimalı var idi. Lakin UEFA bu ehtimalı istisna edib.
Çox güman ki, “Çelsi”nin bütün oyunçuları peyvənd olunmayıb. Daha əvvəl “zadəganlar”ın baş məşqçisi Tomas Tuxel bildirmişdi ki, peyvənd olunmaq hər bir futbolçunun öz seçimidir.
