“Mançester Yunayted”in futbolçusu Donni van de Bek klubu tərk edəcək.
Sportinfo.az xəbər verir ki, niderlandlı yarımmüdafiəçi “Kristal Pelas” ilə razılıq əldə edib.
Bu barədə italiyalı jurnalist Nikola Skira özünün “tvitter” hesabında məlumat yayıb.
O, “Kristal Pelas”ın “Mançester Yunayted”lə razılaşdığını və keçidin yaxın zamanda rəsmiləşəcəyini bildirib. Van de Bek mövsümün sonuna qədər icarə əsasında “Kristal Pelas”da çıxış edəcək.
24 yaşlı yarımmüdafiəçi bu mövsüm “Mançester Yunayted”lə 14 oyuna çıxıb.
.jpg)
