.jpg)
İspaniya yığmasının sabiq hücumçusu Dieqo Kosta "Atletiko Mineyro"dan ayrılıb.
Sportinfo.az xəbər verir ki, bu barədə klubun mətbuat xidməti məlumat yayıb.
Bildirilir ki, ispan öz təşəbbüsü ilə müqaviləyə xitam verib. Braziliya klubu ona gələcək karyerasında uğurlar arzulayıb.
Bir müddət əvvəl məlumat yayılmışdı ki, “Arsenal” Kostanın planları ilə maraqlanıb. Onun xidmətində “Kadis” və “Elçe”nin də maraqlı olduğu bildirilir.
Kosta “Atletiko Mineyro”da ötən ilin avqustundan çıxış edirdi. O, bu komanda ilə Braziliya çempionluğunu və kubokunu qazanıb. Hücumçu 19 oyunda meydana çıxıb, 5 qol vurub, 1 qol ötürməsi edib.
