.jpg)
Sportinfo.az xəbər verir ki, Marselin “Veladrom” stadionunda xeyriyyə oyunu keçirilib.
“Qəhrəmanların oyunu” adı verilən qarşılaşmada Didye Droqba, Qaiska Mendieta, Rober Pires, Cibril Sisse, Yens Leman kimi ulduzlar iştirak ediblər.
Amma azarkeşlərin diqqətini əsasən Samir Nəsri cəlb edib.
Onun qarnı hamını şoka salıb. Nəsrinin fiziki durumu sosial şəbəkələrdə də geniş müzakirə edilib. Axı bu futbolçu cəmisi 2 həftə əvvəl karyerasını bitirib və o vaxta qədər peşəkar futbolçu sayılırdı.
Amma onu da deyək ki, Nəsri peşəkar səviyyədə sonuncu dəfə 2019-cu ildə meydana çıxıb. O vaxtdan isə “Anderlext”in heyətində yer alırdı.
Bu amili nəzərə alan sosial şəbəkə istifadəçilərindən biri zarafatla belə yazıb: “Görəsən, mən də “Anderlext”lə müqavilə bağlaya bilərəm?".
.jpg)
